Տոնական միջոցառումներով եւ ուրախ տրամադրությամբ մայիսի 1-ին տեղի կունենա Երեւանի կենդանաբանական այգու տարեշրջանի պաշտոնական բացումը:
Այգին դռներն այցելուների համար կբացի առավոտյան ժամը 9:00-19:00-ը: Երևանի քաղաքապետարանի աջակցությամբ, տարեշրջանի բացման օրը մինչև 16 տարեկան այցելուների մուտքն ազատ կլինի:
Այս տարի ևս կենդանաբանական այգու այցելուներին սպասվում են հաճելի անակնկալներ և տոնական տրամադրություն՝ լի անմոռանալի միջոցառումներով, կենդանի երաժշտությամբ, թատերականացված ներկայացումներով, հետաքրքիր խաղերով:
Ժամը 11:30-ին Երևանի քաղաքապետ Տարոն Մարգարյանը կազդարարի տոնական միջոցառումների մեկնարկը:
Այգում փոքրիկներին կդիմավորեն հեքիաթների հայտնի հերոսները`Միկի Մաուսը, Սպունգ Բոբը եւ այլ սիրելի կերպարներ: Թատերական ու երաժշտական միջոցառումները կշարունակվեն մինչ ժամը 16:00-ը:
Բազմաթիվ միջոցառումների կողքին, Երևանի կենդանաբանական այգու տնօրեն Ռուբեն Խաչատրյանը և Երևանի քաղաքապետ Տարոն Մարգարյանը մասնակցության վկայականներ կհանձնեն «Երկրի օրվա» շրջանակներում հայտարարված «Դիմավորենք թռչուններին» առաջին՝ այգում բնադրող թռչունների բների պատրաստման մրցույթի մասնակիցներին:
You must be logged in to post a comment.